Լեռնային Ղարաբաղի ինքնորոումն ու շփման գիծը ՀՀԿ- ի համար մեր արժանապատվության, մեր ինքնասիրության, մեր ինքնության հարց է։ Այս մասին մարտի 20-ին հայտնել է ՀՀԿ նախագահի առաջին տեղակալ, վարչապետ Կարեն Կարապետյանը Քանաքեռ- Զեյթուն վարչական համայնքի ընտրողների հետ հանդիպման ժամանակ։
Անդրադառնալով տարեց ընտրողի այն հարցին, թե ինչպես է նա պատկերացնում Թուրքիայի ու Ադրբեջանի հետ խաղաղությունն ու բարիդրացիությունը, ինչի մասին խոսում են հայաստանյան որոշ քաղաքական ուժեր՝ Կարեն Կարապետյանը նշել է «Մեր քաղաքացիները կարող են մեզ քննադատել տարբեր հարցերում, բայց Ղարաբաղի հարցում մենք նվազ խոցելի ենք, քանի որ Ղարաբաղի ինքնորոշումը ու շփման գիծը համարում ենք մեր արժանապատվության, մեր ինքնասիրության, մեր ինքնության հարց։ Դրա համար էլ մեր կարգախոսում մենք շեշտադրում ենք անվտանգությունը։ ԲԱյց մենք պատրաստ ենք տրամաբանական հարաբերություններ հարթել հարեւանների հետ, եթե նրանք պատրաստ լինել բանակցել։ Այդ իսկ պատճառով ես չեմ բացառում, որ որոշ ժամանակ հետո մենք կնստենք ու կպայմանավորվենք խաղի կանոնների մասին։ Դա չի նշանակում, որ մենք կբարեկամանանք, բայց դա նշանակում է, որ մենք գուցե կպայմանավորվենք, թե ինչպես ենք միասին ապրելու հարեւանությամբ, մեկ տարածքում»։
