Պեկինն ու Վաշինգտոնը սկսել են պատրաստվել երկու պետությունների ղեկավարների գալիք հանդիպմանը։ Այս մասին հայտնել է Չինաստանի ԱԳՆ-ի պաշտոնական ներկայացուցիչ Խուա Չունյինոն, փոխանցում է Սինհուան։

Նրա խոսքով, ԱՄՆ պետքարտուղար Ռեքս Թիլերսոնի Չինաստան կատարած այցի ժամանակ չինական ու ամերիկյան կողմերը քննարկել են երկու պետությունների ղեկավարների գալիք հանդիպմանը վերաբերող հարցեր ու սկսել նախապատրաստական աշխատանքները։ Կողմերը համաձայնել են սերտ կապեր պահպանել հանդիպումը հաջող անցկացնելու համար։