Հունաստանի ոստիկանությունը Աթենքի փոստերում վեց ծանրոց է հայտնաբերել, որոնցում կարող է պայթուցիկ նյութ լինել: Ինչպես հայտարարել է ոստիկանության ներկայացուցիչը, ծանրոցներն ուղղված են «եվրոպական երկրների պաշտոնյաներին», հաղորդում է AFP-ին:
Ոստիկանության տվյալներով՝ ծանրոցներում հայտնաբերվել են պայթուցիկ մեխանիզմներ, որոնք նման են Արժույթի միջազգային հիմնադրամին մարտի 16-ին Հունաստանից ուղարկված ծանրոցում եղած սարքին, որը պայթել էր աշխատակցի ձեռքերի մեջ՝ պատճառելով վնասվածքներ:
Ավելի վաղ, մարտի 15-ին պայթուցիկ սարքով նման ծանրոց էր հայտնաբերվել Գերմանիայի ֆինանսների նախարարությունում:
Ենթադրվում է, որ Փարիզ եւ Բեռլին ուղարկված երկու ծանրոցների հեղինակը հունական ձախ ծայրահեղական «Հրե բջիջների դավադրություն» կազմակերպությունն է, որն ստեղծվել է 2008-ին եւ որի մասնակիցները մեղադրվում են մի շարք պայթյունների կազմակերպման մեջ: