Լեռնային Ղարաբաղի Հանրապետության օմբուդսմեն Ռուբեն Մելիքյանը մարտի 10-ին այցելել է Ռոդ Այլենդ, որտեղ Ռոդ Այլենդի Հայ ազգային կոմիտեն հանդիպումներ է կազմակերպել սենատոր Շելդոն Ուայթհաուսի, կոնգրեսական Դեւիդ Չիչիլինի եւ Ջիմ Լանժեւինի հետ, ինչպես նաեւ նահանգի պետքարտուղար Նելլի Գորնեայի հետ:
Հանդիպումների հիմնական նպատակը 2016 թվականի ապրիլյան պատերազմի ժամանակ Արցախի բնակչության դեմ Ադրբեջանի իրականացրած վայրագությունների վերաբերյալ Մելիքյանի կազմած զեկույցի ներկայացումն է:
Արցախի օմբուդսմենը ներկայացրել է Ադրբեջանի զինված ուժերի իրականացրած մարդու իրավունքների խախտումները, այդ թվում՝ հայ զինվորների եւ շփման գծի երկայնքով բնակվող խաղաղ բնակիչների խոշտանգումները, անդամախեղումները եւ մահապատիժները: Պետքարտուղար Գորբեան օմբուդսմենին հավաստիացրել է, որ տեղյակ է հայկական հարցերին եւ խոստացել է իր ավանդը ներդնել Արցախի Հանրապետության պայքարի իրազեկվածության զարգացման գործում:
Սենատորի եւ կոնգրեսականի ներկայացուցիչների հետ հանդիպման ժամանակ Մելիքյանը նրանց է փոխանցել զեկույցի մեկ օրինակը:
Մելիքյանի վերջին հանդիպումը եղել է կոնգրեսական Դեւիդ Չիչիլինի հետ, որը համաձայնել է նամակ հղել պետքարտուղար Ռեքս Թիլերսոնին, ինչպես նաեւ ԱՄՆ Կոնգրեսի Ներկայացուցիչների պալատի արտաքին գորյծերով կոմիտեի նախագահ Էդ Ռոյսին խնդրել է լսել Արցախի իրավիճակի մասին տեղեկությունը:
Մելիքյանը մինչեւ մարտի 18-ին Արցախ վերադառնալը հանդիպումները եւ հարցազրույցները կշարունակի Նյու Յորքում եւ Վաշինգտոնում:
