Կալիֆորնիայի սենատի անդամ Էնթոնի Պորտինտինոն մարտի 20-ին բանաձեւ է ներկայացրել, համաձայն որի` ապրիլը պետք է դառնա Հայոց ցեղասպանության զոհերի հիշատակի ամիս:
Բանաձեւում նաեւ առկա է կոչ Թուրքիայի Հանրապետությանը` առգրավված եկեղեցական օբյեկտները օրինական տերերին վերադարձնել, հաղորդում է Asbarez-ը:
«Չնայած Քալիֆորնիայի օրենսդիր մարմինը ճանաչել է Հայոց ցեղասպանությունը` մեր հետազոտություններ ցույց են տալիս, որ եկեղեցական սեփականության հարցը դեռեւս չի ներառվել օրենսդիր ժողովի պալատի ընդունած բանաձեւում: Ցանկացած երկրում կրոնական խտրականությունը հակասում է համամարդկային արժեքներին: Ես միանում են բազմաթիվ կողմնակիցներին, ովքեր կարծում են, որ հայկական պատմական եկեղեցիները հայ ժողովրդի մշակութային ժառանգությունն են եւ պետք է վերադարձվեն իրենց օրինական սեփականատերերին, որպեսզի դրան օգտագործեն համապատասխան կրոնական նպատակներով», - հայտարարել է սենատոր Պորանտինոն:
