Մի հավատացեք, երբ ասում են, թե մենք գիտեինք՝ պետք է ապրիլին հարձակվեին ադրբեջանցիներն ու իմանալով վտանգի տակ ենք դրել մեր զինվորների անվտանգությունը: Այս մասին, այսօր՝ մարտի 21-ին, Շիրակի մարզի Արթիկ քաղաքում ընտրողների հետ հանդիպման ժամանակ հայտարարել է «Օհանյան-Րաֆֆի-Օսկանյան» դաշինքը գլխավորող, պաշտպանության նախկին նախարար Սենյար Օհանյանը՝ անդրադառնալով արթիկցի զինվորի մոր պնդմանը, թե իշխանություերը տեղյակ էի, որ քառօրյա պատերազմ պիտի լիներ, ու ոչինչ չեն ձեռարկել։
Սեյրան Օհանյանին զինվորի մոր ասած դուր չեկավ, նա անձամբ մոտեցավ նրան ու պարզաբանեց. «Այդ որ ասում եք՝ գիտեր ու չասեց, ես կարող եմ մայրերի առաջ խոնարհվել մինչեւ գետին եւ ասել հետեւյալը. Ինչ էլ լսեք, մի հավատացեք: Հավատո՞ւմ եք, որ մենք գիտեինք՝ պետք է հարձակվեին ադրբեջանցիներն ու իմանալով վտանգի տակ ենք դրել մեր զինվորների անվտանգությունը: Ով էլ, ինչքան էլ ուզում է խոսի, առաջին գծում կանգնած զինվորը եթե տեսնում է՝ իր վրա հարձակվում են, ուզում է վերեւները լիի, ուզում է նախագահը, թե մարշալ, չես կարող այդ զինվորին ստիպել, որ ավտոմատը չհանի ու չկրակի: Այ ձեր ցավը տանեմ, մի հավատացեք այդ խոսակցություններին»: