Ցմահ վարորդական իրավունքից զրկված երթեւեկության կանոնները խախտող Մառա Բաղդասարյանը դատավարության ավարտից անմիջապես հետո իր «Ինսթագրամում» մեկնաբանել է դատական նիստը, փոխանցում է Gazeta-ն:
«Այդպիսի օրենք չկա, սա հերթական շոու է»,- գրել է նա եւ տեղադրել իր վարորդական վկայականով լուսակար:
Ավելի վաղ հաղորդվել է, որ դատարանը բավարարել է դատախազության հայցը՝ Մառա Բաղդասարյանի տրանսպորտային միջոցներ վարելու իրավունքը դադարեցնելու մասին՝ նրա մոտ էպիլեպսիայի առկայության պատճառով:
«Ստուգման ընթացքում մենք պարզել ենք, որ Բաղդասարյանի «էպիլեպսիա» վերջնական ախտորոշումը հաստատվել է 2016 թվականի հունիսի 27-ին եւ ոչ մեկի կողմից չի հերքվել: Այս հիվանդությունը մտնում է հիվանդությունների այն ցուցակի մեջ, որոնք խոչընդոտում են տրանսպորտային միջոց վարելուն»,- ասել է դատախազը:
Մառա Բաղդասարյանի հայրը՝ Էլմար Բաղդասարյանը, մտադիր է դատարանի որոշումը բողոքարկել: