Մարտի 21-ին Երեւանի Ազատության հրապարակում երեւանցիները մոմ են վառել «Հաց բերող» Արթուր Սարգսյանի հիշատակին։ Չնայած ուժեղ քամուն, ակցիայի մասնակիցները այնուամենայնիվ կարողացել են վառել մոմերը։
News.am-ի թղթակցի հետ զրույցի ժամանակ «Ժառանգություն» կուսակցության վարչության փոխնախագահ, «Օհանյան-Րաֆֆի- Օսկանյան» դաշինքի նախընտրական ցուցակի երկրորդ համար Արմեն Մարտիրոսյանը հայտնել է «Արթուր Սարգսյանի մահվան համար մեղավոր է միայն իշխանությունը, որը վստահեցնում էր, որ նա առողջական խնդիրներ չունի։ Իր մահով նա հաղթեց իշխանությանը։ Արթուր Սարգսյանը դարձավ առասպել, իսկ առասպելները անհաղթ են»։
Նշենք, որ մոմավառության ակցիային մասնակցում էր Հայաստանի նախկին արտգործնախարար, «Օհանյան-Րաֆֆի- Օսկանյան» դաշինքի համամասնական ցուցակի երրորդ համար Վարդան Օսկանյանը։