Անկարան բողոք է արտահայտել ՝ Թուրքիայում 2016-ի հուլիսին տեղի ունեցած պետհեղաշրջման փորձի մասին Գերմանիայի դաշնային հետախուզության ծառայության ղեկավար Բրունո Կալի արտահայտությունների կապակցությամբ, հայտնում է DW –ն։
Թուրքիայի ԱԳՆ-ի հայտարարության մեջ գերմանական հատուկ ծառայությունների ղեկավարի արտահայտությունները գնահատվել են որպես Գերմանիայի հանդուրժողական վերաբերմունք Ֆեթուլահ Գյուլենի շարժման նկատմամբ, որին Թուրքիայի իշխանությունները համարում են ձախողված հեղաշրջման կազմակերպիչը։ Բացի դրանից Անկարան Բեռլինին մեղադրել է Գյուլենի հարյուրավոր կողմնակիցներին ապաստան տրամադրելու համար։
Կալը Der Spiegel–ին տված հարցազրույցում առարկել էր ապստամբության փորձի մասին Անկարային պաշտոնական տեսակետին։՝ ասելով, որ ոչ մի վկայություն չկա այն մասին, որ հեղաշրջումը Գյուլենն էր կազմակերպել ։
«Թուրքիան մեզ փորձում էր համոզել դա ամենատարբեր մակարդակների վրա, սակայն առայսօր նրան դա չի հաջողվել»,- շեշտել էր Բրունո Կալը։ Նա նաեւ առարկել էր Գյուլենի շարժումը իսլամիստական- ծայրահեղական որակելու՝ Թուրքիայի փորձերին, ասելով, որ այդ շարժումը քաղաքացիական միավորում է, որը զբաղվում է կրոնական ու աշխարհիկ կրթությամբ։