Հաքերների խումբը, որն ինքն իրեն անվանում է Turkish Crime Family, սպառնում է ջնջել տեղեկությունները իրենց ընտրած զոհերի iPhone-ներից, եթե Apple–ը հրաժարվի փրկագին վճարել, հայտնել է Motherboard-ը։
Չարագործները դրամ են շորթում՝ հայտնելով, որ իրենք կարող են մուտք գործել iCloud –ի մեծ ծավալի տվյալներ ու Apple-ի օգտատերերի 300 մլն էլեկտրոնային հասցեներ։ Նրանք պահանջում են 75 հազար բիտկոյն կամ էլ 100 հազար դոլար ընդհանուր արժողության iTunes նվերի քարտեր։ Եթե ընկերությունը մինչեւ ապրիլի 7-ը չվճարի, նրանք սպառնում են ջնջել iCloud–ի հաշիվների որոշ քանակություն ու իրենց ընտրած զոհերի iPhone-–երից ջնջել տվյալները։
Հաքերները ներկայացրել են Apple–ի անվտանգության ծառայության հետ նամակագրության սքրինշոթերը, նաեւ տեսագրոււթյունները, որտեղ նրանք ենթադրաբար կոտրում են հաշիվներից մեկը։