Երկրաֆիզիկոս Սթիվեն Մեյերսը եւ Վիսկոնսինի համալսարանի նրա գործընկերները միլարդավոր տարիներն անց հնարավոր են համարում Երկրի եւ Մարսի բախումը, գրում է Scientific American պարբերականը:
Հետազոտողները եկել են այն համոզման, որ Արեգակնային համակարգը քաոսային է, այսինքն, նրա վարքագիծը զգայուն է նախնական պայմանների փոփոխության նկատմամբ: Սա նշանակում է, որ երկրի ուղեծրի անգամ ամենաչնչին փոփոխությունները կարող են խոշոր կտրվածքով համակարգի ընդհանուր դինամիկայում նկատելի փոփոխություններ առաջացնել:
Գիտնականները կլիմայական փոփոխությունների հաճախակիությունը բացատրել են Երկրի եւ Մարսի փոխգործակցությամբ: Ըստ նրանց՝ դա հատուկ է քաոսային համակարգերին եւ նշանակում է, որ միլիարդավոր տարիներ հետո Երկիրն ու Մարսը կարող են բախվել: Սակայն աղետի հավանականությունը, ըստ գիտնականների, շատ փոքր է: