Էջմիածնում Ամենայն Հայոց Կաթողիկոսի հետ հանդիպման արդյունքում ձեռբք բերված պայմանավորվածության համաձայն Պոլսո հայոց պատրիարքական տեղապահ ընտրված արք․ Գարեգին Բեքչյանը բաց նամակով դիմել է թուրքական կառավարության կողմից նշանակված արք․ Արամ Աթեշյանին։
Ինչպես տեղեկացնում է Ստամբուլի հայկական «Ակոս»-ը, արքեպիսկոպոս Գարեգին Բեքչյանը արք Աթեշյանին կոչ է արել հարգել Էջմիածնում Վեհափառի հետ միասին ձեռք բերված համաձայնությունն ու հրաժարական տալ թուրքական կառավարության կողմից նշանակված պաշտոնից, որը չկա հայկական եկեղեցական կարգում։
Նշենք, որ Էջմիածնում Ամենայն Հայոց Կաթողիկոսի հետ միասին համաձայնություն էր կայացվել, որ Պոլսո հայոց պատրիարքական տեղապահի ընտրություն է տեղի ունենալու, որից հետո կառավարության կոմղից նշանակված փոխպատրիարք արք․ Աթեշյանը հրաժարական է տալու։ Սակայն ընտրության արդյունքում հաղթել է արք․ Բեքչյանը, որից հետո արք․ Աթեշյանը հրաժարական չի տալիս։ Նա նահանգապետարանից մի թուղթ է ներկայացրել, թե նահանգապետարանը օրինական չի համարում տեղապահի ընտրությունը։ Ըստ իրավաբանների, նահանգապետարանը իրավունք չունի միջամտելու ներեկեղեցական գործերին։
