«Հայաստանի Էլցանցերը» ոռոգման պոմպերի համար «խելացի հաշվիչներ» են միացնում։ Դրանցից հերթականը կգործարկվի մարտի 22-ին Արմավիրի մարզի Հովտամեջ գյուղի երկրորդային ջրագծի պոմպի վրա։ (ֆոտոռեպորտաժ)
Ի տարբերություն հին ինդուկցիոն հաշվիչների, նոր էլեկտրոնային հաշվիչները կես ժամը մեկ իրենք են տվյալներ փոխանցում «Էլցանցերի» սերվերին։ Հաշվիչը ֆիքսում է նաեւ բաշխիչ պահարանի բացում-փակումը, դրանով իսկ պաշտպանելով հնարավոր ապօրինի միջամտություններից։
Հայաստանի Էներգետիկայի նախարարության ջրային տնտեսության պետկոմիտեի նախագահ Արսեն Հարությունյանը լրագրողներին հայտնել է, որ «Հայաստանի էլցանց»-ի նոր հաշվիչները թույլ են առավելագույնս հստակ որոշել, թե ինչքան էլեկտրականություն է ծախսվում ոռոգման ջրի մատակարարման համար։ Իսկ դա թույլ կտա ավելի լավ որոշել, թե որտեղ է այդ պահին ջուրն ավելի անհրաժեշտ ու ինչպես կարելի է այն ավելի արագ մատակարարել։
Անցած տարի ոռոգման համակարգում արդեն տեղադրվել էր 103 նման հաշվիչ, տարեսկզբից ՝ եւս 70-ը։ Իսկ մինչեւ ոռոգման սեզոնի սկիզբը ծրագրվում է հաշվիչներ տեղադրել հանրապետության բոլոր 930 ոռոգման պոմպերի վրա։
«Հայաստանի էլցանցեր»-ի գլխավոր տնօրեն Կարեն Հարությունյանն էլ իր հերթին շնորհավորել է հիդրոտեխնիկներին ու գյուղացիներին՝ Ջրի համաշխարհային օրվա կապակցությամբ։ «Սա մեր նվերն է ջրային տնտեսության աշխատողներին»,- ասել է Հարությունյանը։
