Բրիտանիայի խորհրդարանի մոտ ոստիկանին դանակով վիրավորել են, հայտնում է BBC-ն՝ վկայակոչելով Համայնքների պալատի առաջնորդ Դեւիլ Լիդինգթոնին: Նրա խոսքով՝ «ծանր միջադեպից» հետո հարձակվողը ոստիկանի կողմից գնդակահարվել է:
Նշենք, որ լրատվամիջոցների տեղեկություններով՝ Բրիտանիայի խորհրդարանի մոտ հրաձգության հետեւանքով մի քանի մարդ է տուժել: Տուժողների ճշգրիտ թիվը հայտնի չէ: Հաղորդվում է 10-12 մարդու մասին: Սակայն դեռեւս պաշտոնական հաստատում չի եղել:
Բրիտանիայի խորհրդարանը հրաձգության հետ կապված փակ է: Խորհրդարանականներին շենքից տարհանել են: