Արաբական Միացյալ Էմիրություններում, մարտի 22-ին, Աբու Դաբի քաղաքում կայացած Հայաստան-Արաբական Միացյալ Էմիրություններ ներդրումային համաժողովի շրջանակներում Հիդրո Կորպորացիա ընկերությունների խմբի եւ Estekshaf Investment Company միջեւ կնքվել է վերականգնվող էներգետիկայի, մասնավորապես հիդրոէներգետիկայի ոլորտում ներդրումների իրականացման Փոխըմբռնման հուշագիր:
«Հայաստանի Հանրապետության վերականգնվող էներգիա արտադրողների ասոցիացիայից» NEWS.am-ին հայտնում են, որ Հիդրոկորպորացիայի հիմնադիր Գրիգոր Առաքելյանի դիտարկմամբ սույն Հուշագիրը հիմք է հանդիսանալու առաջիկայում կողմերի միջեւ կնքվող համագործակցության պայմանագրի համար:
«Բանակցում ենք վերականգնվող էներգետիկայի ոլորտում լայնամաշտաբ եւ երկարաժամկետ ծրագրերի իրականացման շուրջ՝ մի քանի փուլերով: Ծրագրերի նպատակն է իրականացնել արտադրողականության ցածր մակարդակ եւ վարկային ծանր պորտֆել ունեցող, բնապահպանական նորմերի խախտումներով կառուցված ՓՀԷԿ-երի արդիականացում»,-նշեց Գ. Առաքելյանը: