ԱՄՆ Կոնգրեսի անդամներ Դեւիդ Թրոթն ու Ադամ Շիֆը միացել են Կոնգրեսում հայկական հարցերի շուրջ կոմիտեի իրենց գործընկերներին, որն ԱՄՆ-ին կոչ է անում օգտագործել Հայոց ցեղասպանության դասերը՝ Մերձավոր Արեւելքում ժամանակակից վայրագությունները կանխելու համար։ Այս մասին հայտնում է Ամերիկայի հայ դատի հանձնախումբը (ANCA)։
Բանաձեւում ընդգծվում է, որ Հայոց ղեղասպաության հետեւողական դատապարտումը «կամրապնդի Վաշինգտոնի միջազգային դիրքորոշումը՝ ժամանակակից ցեղասպանությունները կանխելու հարցում»։
Նկատի ունենալով այն, որ ԱՄՆ-ը պաշտոնապես ճանաչել է, որ «Իսլամական պետությունը» ցեղասպանություն է իրականացրել Մերձավոր Արեւելքի ազգային փոքրամասնությունների դեմ՝ փաստաթուղթը կոչ է անում եզրակացություններ անել Օսմանյան կայսրությունում հայերի, ասորիների, սիրիացիների, հույների, պոնտացիների եւ այլ ազգային փոքրամասնությունների դեմ ցեղասպանություններից։
«Ժամանակն է, որ Միացյալ Նահանգների կառավարությունը պաշտոնապես ճշմարտությանը կողմ խոսի ու հանդես գա ցեղասպանությունը հերքելու դեմ»,- ասվում է գործընկերներին ու կոնգրեսականներին ուղղված Թրոթի եւ Շիֆի նամակում։ Ամերիկայի հայերը երախտագիտություն են հայտնել կոնգրեսականներին՝ Մերձավոր Արեւելքում վայրագությունները կանխելու նրանց տրամադրվածության համար։
