Սամվել Բաբայանի ձերբակալությունը կապ չունի «Օհանյան-Րաֆֆի-Օսկանյան» դաշինքի հետ, որը փորձում է այդ ձերբակալությունն իր հետկապելով քաղաքական դիվիդենտներ շահել: Այս մասին, այսօր՝ մարտի 23-ին, լրագրողների հետ հանդիպման ժամանակ նշել է ՀՀԿ ցուցակի 19-րդ հորիզոնականը զբաղեցնող, ԱԺ պատգամավոր Խոսրով Հարությունյանը՝ անդրադառնալով Սամվել Բաբայանի ձերբակալման վերաբերյալ Դաշինիք դաշինքի տարածած հայտարարությանը:
«Բոլոր հարցումերը ցույց են տալիս, որ ՕՐՕ-ն այն ուժը չէ, որի շնչառությունն իշխանությունները զգան իրենց թիկունքում: Ես չեմ կարծում, որ այն ինչ տեղի է ունենում, աղերս ունի «Օհանյան-Րաֆֆի-Օսկանյան» դաշինքի հետ»,- ընդգծել է Հարությունյանը:
Հարցին, թե հետընտրական զարգացումներ, հուզումներ կլինեն Հայաստանում, ՀՀԿ-ական պատգամավորը պատասխանեց, որ նման բախումներ չեն բացառվում, որոնք պայմանավորված կլինեն նրանով, որ ընդդիմությունը կփորձի նման քայլերով ծածկել իր ձախողումը: