Օրենքը խախտող բիզնեսը պետք է իմանա՝ այն նշանառության տակ է։ Այս մասին մարտի 23-ին Հայաստանի կառավարության նիստի ժամանակ հայտարարել է ՀՀ վարչապետ Կարեն Կարապետյանը։
Դիմելով պետեկամուտների նախագահ Վարդան Հարությունյանին՝ նա նշել է, որ հարկային ու մաքսային ծառայության մոնիթորինգային կենտրոնի աշխատանքը պետք է քարոզել։
«Մենք հասկացնում ենք, որ բարեխիղճ բիզնեսը կարող է հանգիստ աշխատել, իսկ իրավախախտներին նշանառության տակ ենք պահում», - հստակեցրել է Կարապետյանը։
Նրա խոսքով՝ պետք է ակտիվորեն ներկայացնել նաեւ այլ բարեփոխումները, այդ թվում՝ 2018-ից արտադրական սարքավորումների ԱՀՀ-ի (Արժույթի հավելյալ հարկ) չեղարկումը սահմանին, ինչպես նաեւ մաքսային զննման «կապույտ գծի» չեղարկումը։
