Տղամարդը, որը նախօրեին հարձակում էր իրականացրել Լոնդոնի կենտրոնում, Մեծ Բրիտանիայում է ծնվել ու հայտնի էր բրիտանական հատուկ ծառայություններին, հայտնել է երկրի վարչապետ Թերեզա Մեյը, փոխանցում է BBC-ն։
Նրա խոսքով մի քանի տարի առաջ տղամարդը ծայրահեղականության մասին գործով կասկածյալ էր, սակայն նա հետաքննության կենտրոնական կերպարը չի եղել։ Հարձակվողի անունը Մեյը չի նշել։
Նախօրեին Լոնդոնի կենտրոնում անհայտ տղամարդը մեքենան վարել է հետիոտնի վրա, իսկ հետո դանակով հարձակվել ոստիկանի վրա։ Հարձակվողը սպանվել է ոստիկանների կողմից։
Վերջին տեղեկություններով, զոհվել է չորս մարդ, այդ թվում հարձակվողը։ Զոհվածներից մեկը ոստիկան Քիթ Փալմերն է։
Այս պահի դրությամբ յոթ մարդ հիվանդանոցում է շատ ծանր վիճակում։ Ընդամենը բուժօգնության է դիմել 29 մարդ, այդ թվում Ֆրանսիայի, Ռումինիայի, Հարավային Կորեայի, Չինաստանի ու այլ երկրների քաղաքացիներ։
