«Արեւմտյան աշխարհը» 2018 թվականի ֆուտբոլի աշխարհի առաջնության խափանման արշավ է պատրաստում: Այս մասին հայտարարել է ՌԴ ԱԳՆ-ի պաշտոնական ներկայացուցիչ Մարիա Զախարովան, փոխանցում է Meduza-ն:
Զախարովայի խոսքով՝ «շատ լուրջ քայլեր կձեռնարկվեն» Ռուսաստանում նախատեսված սպորտային միջոցառման դեմ: Այդ քայլերը կներառեն տեղեկատվական արշավ, հասարակական կարծիքի վրա ազդեցություն եւ «զանազան անակնկալներ»:
Զախարովան չի հստակեցրել, թե խոսքը կոնկրետ ինչի մասին է, եւ արդյոք այս հայտարարությունը լրատվամիջոցների ինչ-որ հարցման արձագա՞նքն է:
