Լոնդոնում մարտի 22-ին ահաբեկչություն իրականացնելու համար կիրառվել է մի զենք, որը վերջերս հաճախ է գործածվում այդ նպատակով, գրում է The Wall Street Journal–ի լրագրող Ռոբերտ Ուիլլը։ «Խոսքն ավտոմեքենայի մասին է ՝ սովորաբար այն քիչ ուշադրություն է գրավում, բայց կարող է սպանության արդյունավետ գործիք լինել»,- պարզաբանում է հեղինակը։
Եվրոպայում սա արդեն երրորդ նմանատիպ խոշոր ահաբեկչությունն է ընդամենը մեկ տարում։ «ԻՊ խմբավորումը, որը ստանձնել է պատասխանատվություն Եվրոպայում տեղի ունեցած մի քանի ահաբեկչությունների համար, կոչ է արել իր հետևորդներին ավտոմեքենան օգտագործել որպես սպանության զենք», ասվում է հոդվածում։
Հեղինակը հիշեցնում է 2016-ին Նիսում ու Բեռլինում տեղի ունեցած իրադարձությունների մասին։ ԻՊ-ն հասկացել է նման հարձակումների մահացու ներուժը ու ավելի ակտիվ է սկսել դրդել նման գործողությունների, վստահեցնում է Ռիտա Կացը, ջիհադականների գործունեությանը հետեւող SITE Intel Group կազմակերպության գործադիր տնօրենը
ԻՊ-ն նույնիսկ ուղեցույց է հրապարակել, թե ինչպես կարելի է մեքենաների օգնությամբ ահաբեկչություն իրականացնել։
Մեքենաները նախընտրելի զենք են դարձել, քանի որ մարդիկ հակված են կրկնել նախկինում հաջողված փորձերը, նկատել է փորձագետ Ռաֆաելո Պանտուչին։
Նման հարձակումներ Եվրոպայի սահմաններից դուրս էլ են իրականացվել՝ 2014-ին կանադական Քվեբեկում, 2016-ին ԱՄՆ Օհայո համալսարանում
«Մեքենաների կիրառումով ահաբեկչությունները հաճախ են իրականացվում նաեւ Իսրայելում»,- հավելում է Ուոլլը։