Հայաստանի Հանրապետական կուսակցությունը չի կարող ազնիվ չլինել հանրության հետ: Այդ մասին մարտի 23-ին` Շենգավիթ վարչական շրջանում ընտրողների հետ հանդիպմանը հայտարարեց Հայաստանի վարչապետ, ՀՀԿ փոխնախագահ Կարեն Կարապետյանը, որը վարում է կուսակցության քարոզարշավը:
«Ստելով հնարավոր չի: Մի անգամ ստեցիր, հետո դրա գերին ես դառնում: Հետո էդ ստի տակից դուրս գալու համար նորից ես ստում. մեկ, երկու... ու վսյո: Հետո մարդը ինչքան էլ խելոք լինի, չի կարող իր բոլոր ստերը հիշել: Դրա համար ավելի հեշտ է պարզ լինել ձեր հետ: Անիրական բաներ չասել ու ազնիվ խոսակցություն վարել», - ասաց Կարապետյանը: