ԿԸՀ-ն մարտի 23-ի արտահերթ նիստի ժամանակ սահմանել է գալիք խորհրդարանական ընտրությունների ընտրական քվեաթերթիկի նմուշը։

Հայաստանի ԿԸՀ-i քարտուղար Արմեն Սմբատյանը նշել է, որ քվեաթերթիկները նախապես ներկայացվել են ընտրություններին մասնակցող կուսակցությունների ու դաշինքների բոլոր լիազոր ներկայացուցիչներին։

News.am-ի թղթակիցը հաղորդում է, որ ԿԸՀ նախագահ Տիգրան Մուկուչյանը հայտնել է, որ 19։30-ին «Տիգրան Մեծ» հրատարակչատանը սկսվել է ընտրական քվեաթերթիկների տպագրությունը ու ցանկացողները կարող են հետեւել ընթացքին։

Նկատենք, որ ընտրական քվեաթերթիկի առաջին էջին տպագրվելու է կուսակցության կամ կուսակցությունների դաշինքի անվանումը, հերթական համարը, նաեւ կուսակցության կամ կուսակցությունների դաշինքի նախընտրական ցուցակի համապետական մասի առաջին երեք թեկնածուների անունը, ազգանունը, հայրանունը։