Սոմալին իր պատմության ողբերգական փուլն է ապրում, բայց այդ երկրի ժողովրդի մոտ նաեւ հույս է առաջացել: Այս մասին հայտարարել է ՄԱԿ-ի Անվտանգության խորհրդի նիստում ունեցած ելույթում այս մասին հայտարարել է Սոմալիի հարցով կազմակերպության հատուկ բանագնաց Մայքլ Քիթինգը:
«Սոմալիի ողբերգության պատճառը նախ եւ առաջ երաշտն է. երկիրը սովի եզրին է: Իհարկե՝ քաղաքական իրավիճակը լավատեսություն է ներշնչում. վերջին ընտրական գործընթացը երկրի բնակիչներին թույլ տվեց ակտիվ մասնակցություն ունենալ Սոմալիի ճակատագրի ընտրության գործում: Լուրջ առաջընթաց քայլ էր նոր կաբինետի ձեւավորումը, որում վեց կին է ներառվել»,- նշել է նա:
2011 թվականին ճգնաժամը Սոմալիում 260 հազար մարդու կյանք խլեց: Այս անգամ մարդասիրական կազմակերպությունն ակտիվորեն փորձում են կանխել ողբերգության կրկնությունը:
Գլխավոր խնդիրն «Աշ-Շաբաաբ» իսլամական խմբավորման վերահսկողության ներքո գտնվող շրջանների բնակիչներին օգնության հասանելիության բացակայությունն է:
Չնայած ձեռնարկված միջոցառումներին՝ Սոմալիում շարունակում է տարածվել խոլերան: ՄԱԿ-ում զգուշացնում են անձրեւների սեզոնին հիվանդության դեմ պայքարի ջանքերն ուժեղացնելու անհրաժեշտության մասին: Միաժամանակ, Սոմալիում մարդասիրական աշխատանքները ֆինանսավորել են միայն 32%-ով:
Սոմալիում ՄԱԿ-ի առաքելությունը երկարաձգվել է մինչեւ հունիսի 16-ը: