Լոնդոնի Թրաֆալգարյան հրապարակում հարյուրավոր մարդիկ են հավաքվել, որպեսզի հարգեն Վեսթմինսթերում տեղի ունեցած ահաբեկչության զոհերի հիշատակը։ Մարդիկ ծաղիկներ ու մոմեր են իրենց հետ բերում։ Հավաքվածները մեկ րոպե լռությամբ հարգել են զոհվածների հիշատակը։
Նախօրեին Լոնդոնի կենտրոնում անհայտ տղամարդը մեքենայո վ մխրճվել էր մարդկանց բազմության մեջ, իսկ հետո դանակով հարձակվել ոստիկանի վրա, որից հետո ոստիկանները սպանել էին հարձակվողին։
Վերջին տեղեկություններով, զոհվել է չորս մարդ, այդ թվում հարձակվողը։ Զոհվածներից մեկը ոստիկան Քիթ Փալմերն է։
Այս պահի դրությամբ յոթ մարդ հիվանդանոցում է շատ ծանր վիճակում։ Ընդամենը բուժօգնության է դիմել 29 մարդ, այդ թվում Ֆրանսիայի, Ռումինիայի, Հարավային Կորեայի, Չինաստանի ու այլ երկրների քաղաքացիներ։
Ավելի ուշ պարզվել է, որ հարձակվողը Մեծ Բրիտանիայի քաղաքացի 52-ամյա Հալիդ Մասուդն է եղել։
