Եգիպտոսի նախկին նախագահ Հոսնի Մուբարաքը դուրս է գրվել զինվորական հոսպիտալից եւ տուն գնացել: Այս մասին գրում է Reuters-ը՝ վկայակոչելով նրա փաստաբանին:
Նա նշել է, որ վեց տարվա ընթացքում առաջին անգամ Մուբարաքը փողոց է դուրս եկել որպես ազատ մարդ: Ըստ պաշտպանի՝ Մուբարաքը դուրս է գրվել զինվորական հոսպիտալից, որտեղ բանտարկված էր, եւ տուն գնացել:
Հիշեցնենք, որ Մուբարաքին պաշտոնանկ արեցին 2011 թվականին: Նա տարածաշրջանի առաջին երկրի ղեկավարը դարձավ, որին դատապարտեցին «արաբական գարունից» հետո: