Հարցվածների 73,7 տոկոսը հանդիպել է կամ տեսել «Ծառուկյան» դաշինքի նախընտրական քարոզարշավը: Մարտի 24-ին՝ մամուլի ասուլիսի ժամանակ այս մասին հայտարարեց Հայաստանում Gallup International Association-ի ներկայացուցչության ղեկավար Արամ Նավասարդյանը՝ ներկայացնելով մարտի 12-ից 19-ը Հայաստանի 10 մարզերում եւ Երեւանի բոլոր շրջաններում անցկացված նախընտրական սոցիոլոգիական հարցումների տվյալներով քաղաքական կուսակցությունների եւ դաշինքների ցուցանիշները:

Նրա խոսքով՝ Հանրապետական կուսակցության քարոզարշավին հանդիպել է հարցվածների 65,7 տոկոսը, «Ելք» դաշինքի՝ 25 տոկոսը, «ՕՐՕ» դաշինքի՝ 19,1 տոկոսը, «Հայկական վերածնունդ» կուսակցության՝ 12,4 տոկոսը, Դաշնակցություն կուսակցության՝ 12,4 տոկոսը, Հայաստանի Կոմունիստական կուսակցության՝ 9,4 տոկոսը, «Ազատ դեմորկրատներ» կուսակցության՝  7,7 տոկոսը, «Կոնգրես-ՀԺԿ» դաշինքի՝  7,5 տոկոսը, դժվարացել է պատասխանել հարցվածների 5,3 տոկոսը:

«Հարցին՝ որ կուսակցությունների կամ դաշինքների նախընտրական ծրագրին են ծանոթ, հարցվածների  76,4 տոկոսը նշել է «Ծառուկյան» դաշինքին, 65,1 տոկոսը՝ Հանրապետական կուսակցությանը, 23,1 տոկոսը՝ «Ելք» դաշինքին, 16,6 տոկոսը՝ «ՕՐՕ» դաշինքին, 16,1 տոկոսը՝ «Հայկական վերածնունդ» կուսակցությանը, 13,5 տոկոսը՝ Դաշնակցությանը, 10,8 տոկոսը՝ Հայաստանի Կոմունիստական կուսակցությանը, 8,7 տոկոսը՝ «Ազատ դեմոկրատներ» կուսակցությանը, 8,2 տոկոսը՝ «Կոնգրես-ՀԺԿ» դաշինքին: 1,4 տոկոսը դժվարացել է պատասխանել»,- նշեց Նավասարդյանը: