ԵԱՀԿ խորհրդարանականները որպես դիտորդներ հանդես կգան Հայաստանում կայանալիք խորհրդարանական ընտրություններում եւ կգլխավորեն ԵԱՀԿ դիտորդների կարճաժամկետ առաքելությունը։
ԵԱՀԿ գործող նախագահ Սեբաստյան Կուրցը Իգնասիո Սանչես Ամորին (Իսպանիա) նշանակել է հատուկ կոորդինատոր, որը կգլխավորի 250 կարճաժամկետ դիտորդների խումբը։ Յորգեն Բեքեվոլդը (Նորվեգիա) կկատարի ԵԱՀԿ ԽՎ ղեկավարի գործառույթները, որի կազմում կլինեն 23 երկրների խորհրդարանների 55 անդամներ։
«Մենք եւ մեր գործընկերները շատ ուշադրությամբ հետեւում ենք Հայաստանում ընտրական գործընթացին։ Այդ ընտրությունները կդառնան առաջինը, որոնք կանցկացվեն համապատասխան փոփոխված Սահմանադրության՝ նշելով կիսանախագահականից խորհրդարանական համակարգի անցնումը։ Ես անհաբերությամբ սպասում եմ այդ կարեւոր ընտրությունների սկսվելուն»,- հայտարարել է Սանչես Ամորը։
«Այդ ընտրությունները ոչ միայն իրենցից ներկայացնում են փոփոխություն Հայաստանի սահմանադրական կառույցում, այլեւ կներառեն ընտրողներին գրանցելու եւ ընտրություններ անցկացնելու նոր ընթացակարգերը։ Որպես դիտորդներ՝ մենք ուշադրություն կդարձնենք ընտրությունների կազմակերպման այդ նոր միջոցառումների ներդրմանը», - նշել է Բեքեվոլդը։
2017-ի ապրիլի 2-ի ընտրություններում Խորհրդարանական վեհաժողովը սերտորեն կհամագործակցի ժողովրդավարական կառույցների ԵԱՀԿ բյուրոյի առաքելության հետ, ինչպես նաեւ Եվրոպայի խորհրդի խորհրդարանական ասամբելայի եւ Եվրոպական խորհրդարանի հետ։
Դիտորդների եզրակացությունները կներկայացվեն ապրիլի 3-ին Երեւանում կայանալիք մամուլի ասուլիսի ժամանակ։