Վեդիում այսօր՝ մարտի 24-ին, նախընտրական հանդիպումից հետո քաղաքացիներից մեկը «Ծառուկյան» դաշինքի առաջնորդ Գագիկ Ծառուկյանից հետաքրքրվեց, թե ինչպես է լուծվելու իրենց մարզում գործող ցեմենտի գործարանի հարցը, քանի որ ցեմենտի փոշին վտանգավոր է իրենց առողջության համար:
«Պարոն Ծառուկյան, ես ձեզ հավատում եմ: Բայց մի բան չեմ հասկանում. ցեմենտի էդ փոշին, որ նստում է, ու մենք շնչում ենք, դրա հարցը ո՞նց է լինելու, դրա դեմ ո՞նց ա լինելու»,- Ծառուկյանին դիմեց Վեդիի բնակիչը:
Ինչպես եւ սպասվում էր, հարցը Ծառուկյանին դուր չեկավ: Նա զայրացավ. «Լսի, լսի, ցավդ տանեմ: Համապատասխան ֆիլտրացիաները դրած ա, էսօր ցեմենտի գործարանը 50 տարի աշխատել ա, 1600 ընտանիք աշխատում են: Եթե քեզ պարապած ասել են՝ գնա Ծառուկյանին ըտենց հարց տուր, ասեմ, որ ֆիլտրացիաները ստուգել են, ամեն ինչ նորմալ ա, ոչ մի ըտենց վտանգավոր բան չկա»:
Նշենք, որ ցեմենտի գործարանը պատկանում է Ծառուկյան ընտանիքին: