«Ես ուզում եմ, որ քաղաքացիական վեճը լինի գաղափարական»: Լրագրողների հարցին, թե Րաֆֆի Հովհաննիսյանը հայտարարել է, որ եւ բանտում, եւ փողոցում իրենց պայքարը շարունակելու են, արդյոք հետնըտրական իրադարձություններ սպասվում են, այսպես է արձագանքել Հայաստանի վարչապետ, Հանրապետական կուսակցության նախագահի առաջին տեղակալ Կարեն Կարապետյանը:
«Ճիշտն ասած, ես դրանից չափազանց խուսափում եմ, որովհետեւ համարում եմ՝ կամայական ապակայունացումը մեր երկրին վտանգ է տալիս: Ես շատ եմ ուզում, որ քաղաքացիական վեճը լինի գաղափարական, այլ ոչ թե այսօրվա մակարդակի՝ բամբասանքի եւ այլն»,- այսօր՝ մարտի 24-ին, լրագրողների հետ զրույցում ասել է վարչապետը:
Հիշեցնենք, որ «Ժառանգություն» կուսակցության առաջնորդ, «Օհանյան-Րաֆֆի-Օսկանյան» դաշինքի անդամ Րաֆֆի Հովհաննիսյանը մարտի 23-ին լրագրողների հետ ճեպազրույցում չէր բացառել, որ կլինեն հետընտրական զարգացումներ: