ՌԴ արտաքին գործերի նախարար Սերգեյ Լավրովը հասարակական-քաղաքական գործիչ, քաղաքագետ Յուրի Նավոյանին պարգեւատրել է ՌԴ արտաքին գործերի նախարարության «Փոխգործակցության համար» մեդալով:
«Արցախպրեսի» փոխանցմամբ, նախարար Լավրովի անունից մարտի 24–ին ՌԴ ԱԳՆ-ում պարգեւը հանձնել է նախարարի տեղակալ, գլխավոր քարտուղար Գրիգորի Կարասինը: Պարգեւատրման արարողությունից հետո Գրիգորի Կարասինը եւ Յուրի Նավոյանը մտքեր են փոխանակել հայ-ռուսական հարաբերությունների եւ համագործակցության հետագա ծրագրերի շուրջ:
Յուրի Նավոյանը ՀՀ առաջին քաղաքացին է, որ արժանանում է ՌԴ ԱԳՆ «Փոխգործակցության համար» մեդալին: Հատկանշական է, որ վերջերս Յուրի Նավոյանը արժանացել է նաեւ ՀՀ արտաքին գործերի նախարարության «Պատվո մեդալին», որը նրան 2016 թ. հոկտեմբերին հանձնել է ՀՀ արտաքին գործերի նախարար Էդվարդ Նալբանդյանը:
Այս պարգեւատրումները հանդիսանում են իբրեւ հայ-ռուսական հարաբերություններում պետական ու հասարակական դիվանագիտության համագործակցության նշան:
