Չինաստանի Հենան գավառում ոսկու հանքում տեղի ունեցած վթարի հետեւանքով 8 մարդ զոհվել է:
«Սինհուան» հայտնում է, որ վթարի հետեւանքով 18 հանքափորներ արգելափակվել են գետնի տակ: Նրանցից հաջողվել է հանել 10 մարդու, որոնցից մեկի կյանքը բժիշկներին չի հաջողվել փրկել: 7 հանքափոր մահացած է հայտնաբերվել, մեկն անհայտ կորած է:
Վթարը տեղի է ունեցել նախօրեի առավոտյան, երբ ոսկու արդյունահանման «Ցինլին» ընկերության հանքերը ծածկվել են անհայտ ծագմամբ ծխով: Տեղի ունեցածի մանրամասների մասին դեռեւս ոչինչ հայտնի չէ:
