Գնացեք ձեր մեթոդները կիրառեք հզորների վրա, էսօրվա լորդերի վրա, գեներալ ֆելդմարշալ Մանվելի, Նովոյի վրա: Այս մասին, այսօր՝ մարտի 25-ին, Քարակերտ գյուղում ընտրողների հետ հանդիպման ժամանակ նշեց «Օհանյան-Րաֆֆի-Օսկանյան» դաշինքի ցուցակի 59-րդ հորիզոնականը զբաղեցնող Լավրենտի Կիրակոսյանը, ով հենց Քարակերտ գյուղից է:
Նա իր ելույթում հիշեց, որ խորհրդային տարիներին կար քրեական հեղինակություն Փայլակ անունով, որն ավելի արդար էր վարվում հասարակության հետ, քան այսօրվա ղեկավարները:
«Սովետական պետության տարիներին հեղինակավոր մարդ կար՝ Փայլակ, նա ոչ մի աշխատավոր մարդու, ինտելիգենցիայի ներկայացուցչի չէր նեղացնում, նա գնում իր մեթոդները բանեցնում էր կենկոմի քարտուղար, ռայկոմի քարտուղարի, գործկոմի նախագահի, տրեստի կառավարչի վրա:
Իսկ այս մադիկ հակառակը՝ խեղճ ժողովրդի վրա են իրենց կուժ ու կուլան կոտրում: Գնացեք այդ ամենը կիրառեք հզորների վրա, էսօրվա լորդերի վրա, գեներալ ֆելդմարշալ Մանվելի վրա, Նովոյի վրա, ՄԱՊ-ի Ալիկի ու մյուսների վրա: Միթե իրավունք ունեն պատգամավորական պոստեր զբաղեցնեն նրանք, որոնց խղճի վրա սարսափելի մեղքեր կան»,-հայտարարեց նա:
