Արաբկիրում այսօր՝ մարտի 25–ին, քարոզարշավ իրականացնող «Ելք» դաշինքի պատգամավորության թեկնածու Հայկ Կոնջորյանը անընդհատ բախվում էր ընտրությունների հանդեպ անվստահության։

Կոնջորյանը հերթով մոտենում էր մարդկանց, քարոզում իրենց «Անկախ քաղաքացու մանիֆեստը»։   Ընտրողները, սակայն, հակադարձում էին՝ ընտրությունները ոչինչ չեն փոխելու, լցոնումներ են լինելու, իրենց ձայները փոշիացվելու են։

«Էդ հեքիաթները որտեղի՞ց եք սերտում»,– հեգնեց մի տղամարդ։

Հայկ Կոնջորյանը փորձեց բացատրել, որ իրենց օգնությամբ պետք է «ազատվել թալանչիներից», ինչին տղամարդը պատասխանեց. «Հետո էլ դուք եք գալու թալանեք»։

«Ելք»–ի անդամները փորձում էին համոզել մարդկանց, որ միավորվելու դեպքում ելք կլինի, ինչին ի պատասխան մի տղամարդ հիշեց, որ Մարտի 1–ին կար այդ միավորումը, ինչը արդյունք չտվեց. «Մարտի 1–ին ես Նիկոլ Փաշինյանի կողքին եմ եղել, ի՞նչ եղավ։ Սաղ թողին գնացին»։