Իտալիայում կարող են ամենամսյա եռօրյա արձակուրդ տրամադրել ցավագին դաշտանային ցիկլ ունեցող աշխատակցուհիներին: Այս մասին գրում է Lenta-ն՝ վկայակոչելով The Independent-ը:
Օրենքի ընդուման դեպքում Իտալիան կդառնա առաջին արեւմտյան երկիրը կանանց համար կիրառվող նման պրակտիկայով: Փաստաթուղթը մշակել են իշխող Դեմոկրատական կուսակցությունից չորս կին պատգամավորներ:
Սակայն մտավախություն կա, որ օրենքը կարող է կանանց հանդեպ խտրականության պատճառ դառնալ, որոնք պայքարում են հավասար իրավունքների համար: Արդյունքում աշխատանքի ընդունելիս կարող են նախապատվություն տալ տղամարդկանց:
Նման օրենքներ կան արեւելյան մի շարք երկրներում, օրինակ՝ Ճապոնիայում եւ Հարավային Կորեայում, ինչպես նաեւ Չինաստանի որոշ նահանգներում: