Աշխատանքային այցով Արցախի Հանրապետություն մեկնած ՀՀ նախագահ, Զինված ուժերի գերագույն գլխավոր հրամանատար Սերժ Սարգսյանն այսօր՝ մարտի 25-ին, հայկական երկու հանրապետությունների փոխգործակցության շրջանակում Արցախի նախագահ Բակո Սահակյանի, ՀՀ եւ ԱՀ պաշտպանության նախարարների ու բարձրաստիճան զինվորականների ուղեկցությամբ եղել է ՊԲ զորամասերից մեկում, ծանոթացել զինված ուժերի մարտական պատրաստականությանը եւ ունկնդրել զորամասի շարահրապարակում զինծառայողների համար կազմակերպված համերգը:
Համերգային ծրագրի ավարտին նախագահ Սարգսյանը Հայրենիքի սահմանները պաշտպանելիս ցուցաբերած արիության եւ խիզախության համար պետական բարձր պարգեւներով՝ Մարտական ծառայության մեդալով, պարգեւատրել է մարտական հերթապահության ընթացքում աչքի ընկած մի շարք զինծառայողների, նվերներ հանձնել նրանց եւ զինծառայողների այն ծնողներին, որոնց ընտանիքներում երկու կամ ավելի զինծառայողներ մեծ նվիրումով իրենց պարտքն են կատարում հայոց բանակում:
Հանրապետության նախագահը շնորհակալություն է հայտնել Հայրենիքի զինվորներին եւ անփորձանք ծառայություն մաղթել նրանց:
.jpg)
