Հայաստանը գոհ է ԵՏՄ-ի օգտին ընտրություն կատարելու հանգամանքից: «Իզվեստիա»-ին տված հարցազրույցում այս մասին հայտարարել է ՌԴ-ում Հայաստանի դեսպան Վարդան Տողանյանը:
Նա հիշեցրել է, որ Երեւանը բանակցություններ էր վարում ԵՄ-ի հետ Ասոցացման մասին համաձայնագրի շուրջ, բայց «մենք եվրասիական ինտեգրման օգտին գիտակցված ընտրություն կատարեցինք»:
«Եթե ուսումնասիրենք վիճակագրությունը, ապա մենք ԵՏՄ-ին անդամակցությունից հետո ապրանքաշրջանառության որոշակի աճ ունենք: Մենք դեռ նոր միության կազմավորման ուղղությամբ բազմամյա աշխատանք ունենք անելու: Առավել եւս՝ Հայաստանի համար, որն ընդհանուր սահմաններ չունի Ռուսաստանի հետ եւ տարիներ շարունակ ապօրինի շրջափակման մեջ է Թուրքիայի եւ Ադրբեջանի կողմից: Մի խոսքով՝ Հայաստանը գոհ է իր ընտրությունից»,- նշել է դիվանագետը:
