Ռուսաստանը սպառնալիք է ամբողջ Եվրոպայի համար: Ըստ RNS-ի՝ այս մասին Foreign Policy-ին տված հարցազրույցում հայտարարել է Լիտվայի նախագահ Դալյա Գրիբաուսկայտեն:
«Ռուսաստանը սպառնալիք է ոչ միայն Լիտվայի, այլեւ ամբողջ տարածաշրջանի եւ Եվրոպայի համար: Մենք տեսնում ենք, թե ինչպես է Ռուսաստանն իրեն պահում Կալինինգրադում՝ մեր սահմանների հարեւանությամբ: Այստեղ միջուկային մարտագլխիկներով հրթիռներ են տեղակայում, որոնք կարող են հասնել եվրոպական սահմաններին: Եվ խոսքը միայն Բալթյան տարածաշրջանի մասին չէ»,- ասել է նա:
