Թուրքիայի նախագահ Ռեջեփ Թայիփ Էրդողանը հայտնել է, որ ԵՄ-ին անդամակցության բանակցությունները շարունակելու նպատակահարմարության հարցի շուրջ հնարավոր է հանրաքվե անցկացվի, հաղորդում է NTV–ն։
«Ապրիլի 16-ի հանրաքվեից հետո մենք կարող ենք հանրաքվե անցկացնել՝ ԵՄ-ին անդամակցության մասին բանակցությունները շարունակելու հարցի շուրջ»,- ասել է նա։
Ավելի վաղ Թուրքիայի ԱԳ նախարար Մեվլյութ Չավուշօղլուն հայտնել էր, որ ԵՄ-ի հետ գործարքները, այդ թվում Թուրքիայի տարածքում միգրանտներ ընդունելու հարցով, սպառնալիքի տակ կհայտնվեն, եթե ԵՄ-ն անվիզա ռեժիմ չսահմանի երկրի քաղաքացիների համար։