Ամերիկյան Pepsi ընկերությունը, ԱՄՆ խոշորագույն ռիթեյլոր Walmart–ը ու ու սրճարանների Starbucks պոպուլյար ցանցը միացել են այն ընկերություններին, որոն ժամանակավորապես դադարեցրել են YouTube վիդեոսերվիսում գովազդային հոլովակների հրապարակումը՝ այնտեղ ծայրահեղական տեսագրությունների հրապարակման հետ կապված սկանդալի պատճառով, հայտնում է ՏԱՍՍ-ը։
«Մենք ծայրաստիճան մտահոգված ու խորապես հիասթափված ենք, որ մեր որոշ գովազդային տեսահոլովակներ հրապարակվել են ատելություն ու բռնություն քարոզող տեսագրությունների կողքին»,- նշվում է Pepsi-ի տարածած հաղորդագրության մեջ։ Դրանում նշվում է ,որ «նման կոնտենտը հակասում է ընկերության գլխավո ր արժեքներին»։
Նույնն է ասել նաեւ Walmart- ը։
Իսկ Starbucks –ում հայտնել են, որ ընկերությունը ժամանակավորապես դադարեցնում է գովազդների հրապարակումը YouTube-ում՝ միաժամանակ փորձելով կարգավորել սերվիսի հետ ծագած իրավիճակը։
Ավելի վաղ հայտնի էր դարձել, որ մի քանի ընկերությունների գովազդները YouTube–ում հայտնվել էին ծայրահեղական տեսահոլովակների կողքին։ Դրանից հետո մի քանի խոշոր ընկերություններ հրաժարվել են Google–ին պատկանող YouTube սերվիսի հետ համագործակցությունից։ Այդ ընկերություններից են հեռահաղորդակցության Verizon եւ AT&T կորպորացիաները, կոսմետիկայի ու բժշկական սարքավորումներ արտադրող Johnson & Johnson-ը, նաեւ բրիտանական Royal Bank of Scotland, HSBC, Lloyds բանկերը։