Ժամանակակից աշխարհում մարդկանց մեծ մասը տառապում է գերհոգնածությունից, ծանր ու երկարատեւ աշխատանքային օրվանից, նաեւ սթրեսներից ու դեպրեսիաներից, որոնք առաջանում են անբավարար հանգստի ու քնի պատճառով։ Մշակողները ելք են առաջարկում այս իրավիճակից ՝ ներկայացնելով WakeMode  հավելվածը, որը կհիշեցնի հանգստի մասին, հայտնում է Svopi-ն։

Ծանր աշխատանքային օրվանից հետո մարդկանց մեծ մասը հանգստանում է համացանցից օգտվելու, սերիալներ դիտելու կամ տեսախաղերի միջոցով, ինչի հետեւանքով իսկական հանգստի ժամանակ առհասարակ չի մնում։ Մարդը միայն քնի ժամանակ կարող է լիովին լիցքաթափվել ու կուտակել անհրաժեշտ կյանքի էներգիա, ընդ որում մասնագետների խոսքով քնել պետք է օրական առնվազն 7-8 ժամ։ WakeMode հավելվածը մարդուն կհիշեցնի, որ ժամանակն է կանգ առնել ու հանգստանալ։ Հավելվածում մարդիկ պետք է ամեն օր պատասխանեն ոչ բարդ հարցերի։ Օրինակ թե նախորդ օրը երբ են պառկել քնելու, երբ են արթնացել, ինչպես են իրենց զգացել եւ այլն։ Այդ տվյալների հիման վրա WakeMode –ը ինքնուրույն կկարողանա որոշել, թե երբ է մարդուն անհրաժեշտ հանգստանալ։ Էներգիայի մակարդակն էլ պատկերվելու է մարտկոցի լիցքավորման տեսքով։ Ուշ երեկոյան մարտկոցը կարող է պարպվել, իսկ դա նշանակում է, որ մարդը պետք է արդեն պառկի քնելու։ Իսկ եթե պետք է առավոտյան շուտ արթնանալ, բայց  ուժերն էլ դեռ բավարար չեն, ծրագիրը կհուշի, ո ր պետք է մի բաժակ սուրճ խմել, կա մ էլ փորձել մի քիչ էլ քնել։