ԱՄՆ նախկին նախագահ Բարաք Օբաման մտադիր է ձեռնամուխ լինել իր հուշագրությանը, հաղորդում է Washington Post պարբերականը՝ վկայակոչելով նախկին առաջնորդի մերձավոր շրջապատի աղբյուրներին:
Ըստ պարբերականի՝ Օբաման մարտի կեսերին մեկնել է Թեթիարոա, որը գտնվում է Խաղաղ օվկիանոսի հարավային մասում, որտեղ նախատեսում է բավականին երկար մնալ եւ ձեռնամուխ լինել իր նախագահության շրջանի մասին հուշագրությանը:
Ավելի վաղ New York Times-ը հաղորդել էր, որ Penguin Random House հրատարակչությունը ստացել է նախկին նախագահ Բարաք Օբամայի եւ նրա տիկնոջ՝ Միշել Օբամայի հուշագրության հրատարակման իրավունքը: