Ռուսաստանի Խնայբանկը եւ «Ալֆաբանկը» ծրագրում են ընտանեկան օնլայն սերվերներ գործարկել, որոնք ամուսիններին թույլ կտան հետեւել քարտին փոխանցվող մուտքերին եւ միմյանց ծախսերին: Այս մասին մարտի 27-ին հայտնել է «Կոմերսանտը»:
Ծախսերի վերահսկման գործող ծառայություններն ուղղված են հաճախորդին, այլ ոչ թե ընտանիքին, որի դեպքում ամուսինները հասանելիություն կունենային միմյանց քարտերին: Պարբերականում նշված է, որ հիմա նրանք կկարողանան տվյալները միավորել: «Մենք փորձնական ծրագրի վրա ենք աշխատում՝ որպես համատեղ հաշիվ վարելու ամուսինների հնարավորություն, որը ընտանեկան խնայատուփի յուրատեսակ այլընտրանք կլինի»,- հայտնել են «Ալֆաբանկից»:
Սակայն համատեղ հաշիվների ներդրումը դեռեւս անհնար է, քանի որ առայժմ չեն հաստատվել եւ ուժի մեջ մտել օրենսդրական փոփոխությունները, որոնք թույլ կտային այդ հաշիվները բացել, նշել են Խնայբանկից: Վարկային կազմակերպություններում կարծում են, որ գաղափարի իրականացումը հնարավոր է նաեւ առանց հաշիվների միավորման, հնարավոր լուծումները մշակվում են:
Եկամուտների անկման ֆոնին, ծախսերի վերահսկումն ավելի արդիական է դարձել: Փորձագետների կարծիքով՝ ընտանեկան քարտային ծրագրերը բանկերին լրացուցիչ հաճախորդներ կապահովեն:
