Լուրերն այն մասին, որ ես կարող եմ հեռանալ քաղաքականությունից, լքել Հայաստանը կամ փորձում եմ վերականգնել ԱՄՆ-ի քաղաքացիությունը, չեն համապատասխանում իրականությանը: Մարտի 27-ին լրագրողների հետ հանդիպմանն այս մասին հայտարարեց «Ժառանգություն» կուսակցության ղեկավար, «Օհանյան-Րաֆֆի-Օսկանյան» դաշինքի առաջնորդներից Րաֆֆի Հովհաննիսյանը:
«Ճիշտ չէ, որ ես մտադիր եմ հեռանալ քաղաքականությունից, լքել երկիրը կամ փորձում եմ վերականգնել ամերիկյան քաղաքացիությունը: Այդ լուրերը, մեղմ ասած, չեն համապատասխանում իրականությանը եւ, հավանաբար, քաղաքական նպատակներ են հետապնդում»,- ընդգծեց Հովհաննիսյանը: