ՆԱՏՕ-ն ծրագրել է 3 մլրդ եվրո տրամադրել իր արբանյակային ծրագրերի կատարելագործման եւ համակարգչային տեխնոլոգիաների զարգացման համար, այդ թվում՝ կիբերպաշտպանության բարելավման համար, հայտնում է Reuters-ը:
Գործակալության տեղեկություններով՝ այս գումարի մեծ մասը (1,7 մլրդ եվրո) կծախսվի արբանյակային կապի բարելավման վրա՝ զորքերի, նավերի եւ անօդաչու թռչող սարքերի լավագույն աջակցության համար: 800 մլն եվրո կհատկացվի համակարգչային համակարգերի կատարելագործման նպատակով, որոնք պատասխանատու են ՀՀՊ եւ ՀՕՊ կառավարման համար: Կիբերսպառնալիքներից պաշտպանությունն ամրապնդելու համար կհատկացվի 71 մլն եվրո:
ՆԱՏՕ-ի գլխավոր քարտուղար Յենս Ստոլտենբերգի 2016 թվականին ՆԱՏՕ-ի անվտանգության եւ գործունեության մասին զեկույցի համաձայն՝ բացի ԱՄՆ-ից, ՆԱՏՕ-ի 27 երկրների ռազմական միջին ծախսերը անցյալ տարվա համեմատությամբ աճել են 3,8 տոկոսով եւ կազմել են նրանց ՀՆԱ-ի 1,47 տոկոսը: ՆԱՏՕ-ի բյուջեում ԱՄՆ-ի բաժինը 2016 թվականին կազմել է 45,9 տոկոս, ընդ որում՝ ՆԱՏՕ-ի 28 երկրների պաշտպանական ծախսերի ընդհանուր ծավալը անցյալ տարի կազմել է 892 մլրդ դոլար՝ 2010-ին ֆիքսված գներով:
