Դիվանագետները երբեք չեն մեկնաբանում այս կամ այն երկրի ներքին իրադարձությունները։ Այս մասին մարտի 27-ին Երեւանում լրագրողների հետ հանդիպման ժամանակ հայտարարել է ԵԱՀԿ Մինսկի խմբի ամերիկյան համանախագահ Ռիչարդ Հոգլանդը՝ պատասխանելով այն հարցին, թե ինչպես ապրիլի 2-ին ՀՀ-ում կայանալիք խորհրդարանական ընտրությունները կարող են ազդել Արցախի շուրջ բանակցային գործընթացի վրա։
Նրա խոսքով՝ ինքն այդ հարցի պատասխանը չունի։
«Միայն ընդհանուր առմամբ կարող եմ ասել, որ երբ Հայաստանում նոր կառավարություն ձեւավորվի եւ երբ մարդիկ հարցնեն՝ ինչ է պետք անել, մենք կասենք՝ պետք է առաջ շարժվել», - նշել է Հոգլանդը։
