Եվրասիական տնտեսական միության տեխնիկական կանոնակարգը ձկան եւ ձկնամթերքի վերաբերյալ (040/2016) ուժի մեջ կմտնի 2017-ի սեպտեմբերի 1-ից, հաղորդում է БЕЛТА-ն:
Համապատասխան տեղեկությունը տեղադրվել է Բելառուսի ստանդարտավորման պետական կոմիտեի կայքում:
Տվյալ տեխնիկական կանոնակարգը սահմանում է պարենային ձկնամթերքի անվտանգության պարտադիր պահանջները եւ դրանց հետ կապված արտադրության, պահպանման, փոխադրման, իրացման եւ ուտիլիզացման, ինչպես նաեւ փաթեթավորման ու պիտակավորման պահանջները:
ԵՏՄ 040/2016 տեխնիկական կանոնակարգը տարածվում է միության տարածքում շրջանառվող ձկնամթերքի վրա: