Tesla Ընկերության հիմնադիր Իլոն Մասկը ստեղծել է նոր ֆիրմա՝ Neuralink, որի խնդիրն է լինելու մշակել այնպիսի տեխնոլոգիաներ, որոնք հնարավոր կդարձնեն մարդու ուղեղը համակարգչին միացնելը, հայտնում է BBС–ն։
Այս մասին տեղեկությունը առաջին անգամ հրապարակել է Wall Street Journal թերթը, իսկ ավելի ուշ հաստատել է նաեւ Մասկը, որը Twitter–ում գրել էր, որ իր ստարտափը գրանցված է որպես բժշկական հետազոտություններ իրականացնող ընկերություն։
Մասկը մտադիր է մշակել neural lace տեխնոլոգիան, որը թույլ է տալիս ուղեղի մեջ իմպլանտավորել փոքր էլեկտրոդներ։ Այդ տեխոլոգիան, ըստ մշակողների, կարող է շատ օգտակար լինել՝ մարդու հիշողությունը բարելավելուց սկսած մինչեւ արհեստական ինտելեկտի հաշվին նրա մտավոր կարողությունների բարձրացում։
Իլոն Մասկն արդեն իր ֆիրմա է հրավիրել աշխարհի առաջատար մասնագետներին։