Ավանի Իսահակյան թաղամասի շենքերից մեկի մոտ մարտի 18-ի գիշերը, Սուզուկի մակնիշի ավտոմեքենայի միջից ծուխ էր դուրս գալիս, բարձր երաժշտության եւ ծիծաղի ձայներ են լսվել:
Մեքենայում 2-3 երիտասարդ թմրանյութ էին օգտագործում: Ոստիկանները փախուստի դիմել ցանկացող այդ երիտասարդներին կարողացան բռնել եւ բերման ենթարկել բաժին: Բերման ենթարկվածները Ավանի բնակիչներ Արմեն Ստեփանյանը եւ Աշոտ Ադամյանը խոստովանական ցուցմունքներ տվեցին: Նրանց մոտից հայտնաբերվեց սուր հոտով կաթուցիչ, դեղնականաչավուն այրված զանգվածի հետքերով:
«Ընգերներով մեքենայի մեջ թմրանյութ ենք օգտագործել, բերել են ոստիկանություն»,-ասաց Աշոտ Ադամյանը:
Պարզվեց, որ ձերբակալվածները թմրանյութը ձեռք են բերել Ավան-Առինջ թաղամասի բնակիչ Գեղամ Սահակյանից, որը նախնական վարկածով հյուրասիրել է նրանց:
«Ջեբիցս մարիխուանա հանեցի, ծխեցի, ես իջա մեքենայից: Երեւի մոռացել էի մեքենայի մեջ դա»,-ասաց նա:
Հանգամանքները պարզվում են, կատարվում է քննություն: