Գերմանիայի արտաքին գործերի նախարար Զիգմար Գաբրիելը կոչ է արել մանրակրկտորեն հետաքննել Գերմանիայի տարածքում Թուրքիայի հատուկ ծառայությունների ենթադրյալ լրտեսությունը:
«Եթե ամեն ինչ այդպես լինի, ինչը ես չեմ կարող ոչ հաստատել, ոչ հերքել, դա իսկապես լուրջ նախադեպ կլինի», - այս մասին մարտի 28-ին երեքշաբթի օրը Բեռլինում ասել է Գաբրիելը, հաղորդում է DW-ն:
Գերմանական հատուկ ծառայությունները ստուգում են հաղորդագրություններն այն մասին, որ Թուրքիայի ազգային հետախուզական ծառայությունը զբաղվել է Գերմանիայում Ֆեթուլլահ Գյուլենի հետեւորդների լրտեսությամբ: